قانون فاراداي | القوة الدافعة الكهربية المستحثة المتولدة في سلك مستقيم

احنا عارفين ان مؤشر 

الجلفانومتر بيتحرك لما بيمر كهربا لاننا من خلاله بنقدر نقيس الكهربا الضعيفة ونحدد 
شدتها واتجاهها

في الدرس ده قدر فاراداي انه يحرك مؤشر الجلفانومتر من غير ما يوصله بالفيشة او حتى بالبطارية ومن غير كهربا من اصله  .. ازاااي!!

جرب تفكر وشوف هتوصل لايه

تعالوا نشوف تجربة فاراداي كده يمكن نفهم

1-جاب سلك نحاس ولفه وخلى لفاته معزولة

2- ووصل طرفين السلك بجلفانومتر حساس الصفر فيه موجود في النص
3-خلى مؤشر الجلفانومتر في النص (عند الصفر يعني)
4-  دخل المغناطيس داخل لفاته
(لاحظ  المؤشر اتحرك لحظة ورجع مكانه تاني )


5-راح طلع المغناطيس
(راح اتحرك في الناحية التانية "عكس الناحية لما دخله")

لما دخلنا المغناطيس  عمل مجال مغناطيسي والمجال ده طبعا هيمر على الاسلاك اللي حوالين المغناطيس

فلما مر المجال على الاسلاك راح لاحظ كهربه في الاسلاك (لانه تولد قوة دافعة مستحثة وبالتالي تيار كهربي مستحث) ..

هنفهم شويا من فين جاتت الكهربا!!!

ممكن تكون مستغرب ان الملف مش ماشي في اتجاه واحد عمال يروح يمين ويرجع شمال وهكذا 

هي الكهربا ماشيه يمين ولا شمال يعني !!

ففي قاعدة جميلة بتوضح الكلام ده وهي قاعده لينز 

 

الملف اللي قدمنا ده غريب وعندي جدا 

يعني لما نقرب منه المغناطيس يبعده ولو بعدنا عنه المغناطيس يقربه

ومعنى اننا لو قربنا المغناطيس ناحيه الملف الملف بيقاوم قربه ان الملف بيعمل تنافر للمغناطيس

و عشان يعمل تنافر لازم الملف يعمل زي المغناطيس يتحول لمغناطيس والناحية القريبة للمغناطيس تكون قطب مشابه للقطب بتاع المغناطيس (لاننا عارفين ان التنافر بيحصل ما بين الاقطاب المتشابهه)

يعني لو قربنا القطب الشمالي للمغناطيس هيتحول في الملف الناحية القريبة من المغناطيس لقطب شمالي ويبعد المغناطيس

2- معنى اننا لو بعدنا المغناطيس الملف بيجذبو ناحيته انه هيعمل تجاذب مغناطيسي

  و عشان يعمل تجاذب لازم الملف يتحول لمغناطيس ويعمل قطب مشابهه 

يعني لو بعدنا القطب الشمالي للمغناطيس هيتحول الملف لقطب جنوبي وهيقرب المغناطيس ناحيته

طب احنا مش ممكن نستغل التجربة دي في اننا نولد كهربا
طب ازاي 

احنا ممكن نجيب سلك والسلك ده نمرره على مجال مغناطيسي فهيمر فيه كهربا زي التجربة اللي فوق

بس يا ترى ليه مر كهربا (او ليه حصل تولد قوة دافعة مستحثة للالكترونات)

لما مر خطوط الفيض على السلك قطعه عشان كان عمودي عليه
الفيض أثر على الالكترونات الحرة اللي في ذرات السلك المتحرك 

فهتنتقل الالكترونات من طرف للطرف التاني
فلما هتنتقل الالكترونات من طرف للطرف التاني هيحصل فرق في الجهد
وبالتالي هيتولد قوة دافعة مستحثة او emf مستحثة
ولو كانت الدايرة مقفوله هيمر كهربا (تيار كهربي مستحث)

هيتغير اتجاه التيار وبالتالي اتجاه الفيض حسب اتجاه الحركة ومن قاعده بسيطة جدا اسمها قاعده اليد اليمنى لفلمنج هنقدر نحدد الاتجاهات

 لو خلينا اصابعنا متعامده علي بعضيها فلو خلينا الابهام هو اتجاه حركه السلك فالسبابه هو اتجاه الفيض المغناطيسي وباقي الاصابع هو اتجاه الكهربا

من التجربة اللي فاتت تفتكر ايه هي الحاجات اللي ممكن تتحكم في قوة ال emf ايه اللي بتزود قيمة القوة دافعة مستحثة وايه اللي بتقلل قيمته فحسب التجارب طبعا 

اول حاجة اكيد كثافة الفيض اللي حولين السلك ده (احنا قلنا يعني ايه كثافة الفيض قبل كده وايه الفرق ما بينه و ما بين الفيض)

*اذا كان الفيض هو السبب في كل ده فاكيد لو زودنا الكثافة هيكون التيار اشد حسب التجارب طبعا فبالتالي نستنتج ان فرق الجهد كان اكبر وبالتالي  ال emf هتكون اكبر

تاني حاجة طول السلك

اذا كان السلك طويل فهيكون فيه ذرات اكتر من السلك القصير وبالتالي هيكون فيه الكترونات اكتر بتتحرك في السلك وبالتالي هيكون التيار اشد فبالتالي نستنتج ان فرق الجهد كان اكبر وبالتالي  ال emf هتكون اكبر

السرعة برضو بتأثر
فاذا كان كل ما يتحرك السلك مسافة اكتر (بتتغير مسافته) في وقت اقل